Дека вистината позади темелно и наменски изградениот мит никој не ја гледа за жал е реална констатација која со векови а деновиве скоро редовно на дневна база станала алатка со која преку низа лаги и манипулации - често лаички толкувања на факти или факти кои селективно се прикажуваат како вистинити се формира мит или правилно констатирано лага за реалноста со што и "вистината" добива своја нова димензија иако таа е една и непроменлива. На кого користат ваквите "митови"?! На политичарите и нивните често тесно партиски интереси а особено лични апетити. И во таа епска битка за власт врз него тој - народот мора да е во информативен мрак. А незнаењето е чист мрак во кој тонеме само поради незнаење. Така и се роди идејата за Just Saying [ Само кажувам ] како личен блог – затоа што само вистината позади митот е реалноста.
Во Македонија новинарството и не така ретко стана сиров и често пати партиски обработен пренос на информации. И така редовно иста информација селективно зависно од потребите е ставена пред граѓанинот како онаа "вистинската" кон која не смее да се гледа со сомнеж. Секако не "мањкаат" и вестите кои во нормални земји би биле кривично дело а спаѓаат во сегментот "политички или новинарски аналитички теренски производ" во кој низ низа лаги и користење на прост речник се тврди дека измислениот настан кој е наречен вест е вистина. Па таквиот "расад" кој го генерираат "ш" класа електронски медиуми го преземаат "големите новинарски бардови" познати и како играчи на македонското новинарство кои ја шират но не и како нивна вест. Така во пракса граѓанинот несвесно е ученикот во познатата "Сто пати повторената лага станува вистина". Just Saying [ Само кажувам ] како личен блог за таа цел ќе говори со факти и за вистината затоа што само така знаењето ќе е алатка на моќта кај граѓанинот.
Јас сум Славчо Неделковски. Македонец и битолчанец кој својот професионален живот го вложил во полињата на уметноста – новинарството и политиката или по различниот редослед веќе 3О години. Но не по принципот на "полжав & пијавица" ефект на "големите играчи" од и така малата македонска политичка сцена кои со епизодните улоги во едночинките останале во минатото на страната од заборавот. 3О години од новинар до главен и одговорен уредник на над 4О печатени медиуми и политички магазини – радио канали - телевизиски куќи и портали. Човек кој над 25 години е дел од сите општествено политички настани во Македонија но и регионот како политички аналитичар – практичар и теренски истражувач. Работејќи и за НВО секторот но и влади на сите политички партии во Македонија и пошироко. Граѓански активист и човек пред се. Уметник кој пред 3О години е еден од основоположниците на независната театарска сцена во Битола а и Македонија. Или накратко горд "татко" на Тир и Ото [ Jack Russell Terrier ] – политички советник и новинар – пасиониран светски патник и љубител на добрата фотографија што пак збирно беше иницијалната каписла по 3О години да формирам личен блог насловен како Just Saying [ Само кажувам ] затоа што како некој кој не само што израснал со Македонија ами и ја израснал неа со своите активности имам право но и должност како завет да ја оставам вистината бидејќи само нејзиното знаењето го отвора умот кон светот.
Изминатата година, екстремно ескалираше нетрпението, кое Македонскиот и Бугарскиот народ најчесто си го немаат како “чувство” на омраза, колку како гнев, кон нешто што и не им е целосно јасно а сериозно се темели на факти и стручен пристап на материјата, која не за “кафе муабет” но пропагандата ја креира во чајџилница. А за нештата…
По логиката на апсурдот кој ни е наметнат, а е еквивалент на догмата: “секогаш по линија на помал отпор”, апсолутно немав двоумење првиот блог да го посветам за состојбите помеѓу Македонија и Бугарија, како и кој тоа има интерес но и корист од сериозно навредливите тонови од двете страни на границата, кои во огромен дел,…
